Kramperlgedankn
Wer heut noh in Kramperl
als Schanti hinstöllt,
hat gar nix kapiert
und d’ Kinder nur quölt.
Der moant, dass Va(r)säumtes
mit Tradition geht.
Er hat nix kapiert
und arbeit’t viel z’spät!
Wer heite an Film schaut,
siacht „Action on mass“!
Da macht so a Kramperl
schon lang neambd mehr haß:
Der kann net mutiern,
in d’ der Luft sih bewegn,
koan Kraftsprotzer spieln,
is weit da(r)nebn gelgn.
Und doh: Wann ih z’ruckdenk,
hab ih mih recht g’füarcht’t
und gmoant: „Wann ih schlimm war,
dass Fürchterlich’s gschiacht!
Nur, d’ Niklaus hat gmoant:
“Du muaßt dih bemüahn
“Du muaßt dih bemüahn
und jedn Tag nächer
zan Zül dih hinfüahrn.
Aft brauchst du koan Kramperl,
der d’Ruatn vürhalt’t. –
Und wann er deis tuat,
aft lasst dih deis kalt!“
Richard Mösslinger
Keine Kommentare:
Kommentar veröffentlichen